Page 4 - А5абыт, эьэбит Захар Васильевич Сивцев
P. 4

ААН ТЫЛ

      Билиҥҥи кэмҥэ улуус, нэһилиэк, тэрилтэ
историятын, сайдыытын кэрэһэлиир кинигэлэр
суруллар буоллулар. Дьиэ кэргэн былыргытыт-
тан саҕалаан, төрдүн-төбөтүн, олоҕун-дьаһаҕын
суруйан хаалларыы, үйэтитии боппуруоһа күүскэ
турар буолла. Архыыптары хасыһан, кырдьаҕастар
кэпсээннэриттэн, ахтыыларыттан сүрүннээн кэлэр
ыччакка төрүттэрин туһунан өйдөбүлү хаалларар
үтүө үгэскэ кубулуйда.

      Биһиги аҕабыт, эһэбит, хос эһэбит, хос-хос эһэ-
бит Сивцев Захар Васильевич туһунан тугу бил-
биппитин, өйдөөн хаалбыппытын тиһэн, тэттик
суруйуу оҥорон сиэннэригэр өйдөбүнньүк хаал­
ларар сыаллаахпыт. Бу үлэҕэ олук уурбут киһиби-
тинэн аймахпыт, аҕабыт иккис кэргэнин Фомина
Мария Николаевна бииргэ төрөөбүт балтын Фоми­
на Евдокия Николаевна-Огдооччуйа уола Я.С.Сив-
цев буолар. Яков Семенович өр кэмҥэ архыыптары,
национальнай библиотекаҕа эргэ хаһыаттары, су-
рунааллары хасыһан Найахы нэһилиэгин олохтоох-
торун аймахтыы сибээстэрин, олохторун-дьаһах-
тарын, үлэлэрин-хамнастарын туһунан сүрдээх
элбэх матырыйаал хомуйуутунан утумнаахтык
дьарыктанар. Кини биһиги аҕабыт личнэй дьыала-
тын архыыптан булан, аҕабыт туһунан суруйарга
өй-санаа уган биэрбитигэр махтанабыт.

      Аҕабыт оҕолоро, элбэх сиэннэрэ, хос сиэннэрэ
араас улуустарга олохсуйан бэйэ бэйэлэрин сүтэр-
сэн билсибэккэ сылдьар түбэлтэлэрэ элбэх. Онон
бу суруйуу түмүгэр билсэн-көрсөн, аймахтыылар
чугасаһан барыахтара диэн эрэллээхпит.

                                                                                         3
   1   2   3   4   5   6   7   8   9