Page 5 - А5абыт, эьэбит Захар Васильевич Сивцев
P. 5

АҔАБЫТ, ЭҺЭБИТ -

                                              ЗАХАР ВАСИЛЬеВИЧ
                                              сивцев

      Орто дойдуга олорон ааһар киһи олоҕун ситимэ былыргы дьыллар быра-
лыйар мындааларыттан саҕаланар уонна муҥура биллибэт ыраахха тардыллан
салҕанан бара турар. Онон хас биирдии киһи бэйэтин иннинээҕи уонна салҕа-
нан бара турар кэрчик кэми кэнчээри ыччатыгар өйдөтөр, тириэрдэр ытык
иэһин толорорго кыһаллыах тустаах. Итинник санааттан биһиги аҕабыт Сив­
цев Захар Васильевич туһунан сиэннэригэр, хос сиэннэригэр төһөнү билэрби-
тинэн билиһиннэрэр сыаллаах суруйарга холоннубут.

     Аҕабыт төрдүн-ууһун кыратык ырыттахха, XIX-с үйэҕэ олоро сылдьыбыт
Кууканньа диэн киһи иккис уола Сэмэйкэттэн төрүттээх. Сэмэйкэ уола Тоҥ
Баһылай уола Тоҥ Сахаара диэн ааттанан олорон ааспыта. Аҕабыт Захар Ва­
сильевич Сивцев, төрөөбүт-үөскээбит, олорбут Найахытыгар Тоҥ Сахаарынан
биллибит киһи, 1899 сыллаахха уруккунан Дүпсүн улууһун Найахы нэһилиэ-
гэр Василий Семенович - Тоҥ Баһылай, Татьяна Михайловна Сивцевтэр дьиэ
кэргэттэригэр төрөөбүтэ. Сивцевтэр аймах уутуйан олорбут сирдэрэ Сүүс кустаах,
Үрүмэччи, Бэкэрээйи алаастар буолаллар. Онон кини ити эргин төрөөбүт буолуох-
таах диэн сабаҕалыыбыт. Эдэригэр олорон ааспыт сиринэн Арҕаа Бэкэрээйи,
кэлин сайылык оҥостон олорбут алааһынан Бэкэрээйи буолар. Сэбиэскэй

4
   1   2   3   4   5   6   7   8   9   10