Page 6 - А5абыт, эьэбит Захар Васильевич Сивцев
P. 6

кэмҥэ Бэкэрээйи «Юбилейнай» диэн ааттаах улахан ферма буолан киһи-сүөһү
бөҕө сайылыыр, үрүҥ илгэ үрүлүйэ сүүрэр сайылыга этэ. Улахан кыыһа Антони­
на Захаровна оҕолорунуун, сиэннэриниин билигин да Бэкэрээйигэ сайылыыл-
лар. Киэҥ аймах оҕолор кэлэ-бара оҕо саастара ааспыт сайылыктарыгар хо-
нон-өрөөн, ахтылҕаннарын таһааран ааһаллар.

      Ааспыт XX-с үйэ уларыйыылаах-тэлэрийиилээх быыһык кэмигэр төрөөбүт
көлүөнэ дьон дьылҕатынан кэм-кэрдии, олох араас уларыйыытын-дьалхаанын
этинэн-хаанынан билэн улааппыта. Ол кэмнэргэ ордук эдэр дьон өттө сэбиэ-
скэй былаас олохтонуутун үөрүүнэн ылыммыттара уонна олохторун оҥкулун
ол хоту салайан үлэлээн-хамсаан барбыттара.

      1929 сыллаахха нэһилиэккэ бастакынан Бэкэрээйи алааска «Саҥа көрүү»
диэн артыал тэриллибитэ. Бу артыалы кини абаҕата, улуус бастакы хомуньуус-
тарыттан биирдэстэрэ, кэлбит-барбыт, сытыы-хотуу киһи Дьэпсэй уола - Семен
Евсеевич Сивцев тэрийбитэ. Артыал туһунан этэр буоллахха, 11 хаһаайыстыба
23 сылгыны, 87 ынах сүөһүнү, 35,5 га ходуһа, 6,81 га сонуок, 0,82 паардаммыт
сирдэри холбообут. Биһиги аҕабыт 3 сылгыны, 8 ынах сүөһүнү туттарбыт. «Саҥа
көрүү» артыал 1929 сыл муус устар 7 күнүгэр тэриллибитин туһунан докумуо-
ну архыыптан булан сэбиэскэй, партийнай үлэ бэтэрээнэ, персональнай пенсио­
нер Василий Гаврильевич Федоров-Мундууска тиксэрбитэ. Ол гынан баран, бу
артыал сыл эрэ үлэлээн баран ыһыллыбытын туһунан Семен Константинович
Сивцев этэн турар.

      Гражданскай сэрии кэнниттэн эйэлээх олох олохтонон барыытыгар үөрэх-
тээһин боппуруоһа сытыытык туруоруллубута. Начаалынай оскуолалар аһыл-
лан барбыттара. Үөрэҕэ суох ыччат өттүн ликбезтэргэ, литпууннарга үөрэтии-
ни саҕалаабыттара. Аҕабыт ол кэмнэ ликбезкэ үөрэнэн ааҕар-суруйар, суоттуур
буолбута. Куоракка батараахтар оскуолалара аһыллыбыта. Бу оскуолаҕа 1936
с. алтынньы 10 күнүттэн 1937 с. тохсунньу 1 күнүгэр диэри үөрэммит. Оскуола
сүрүн сыалынан актыбыыс, салайар үлэҕэ сыстаҕас дьону үөрэтии буолбута.
Улуустар ыыппыт дьонноро манна үс ый үөрэнэн дойдуларыгар тиийэн сала-
йар үлэҕэ ананаллара. 30-с - 40-с сылларга, үөрэхтээх киһи дэлэйэ суох кэмигэр,
кинилэр ортолоруттан республикаҕа биллэр салайааччылар үүнэн тахсыбытта-
ра элбэх. Бу оскуола кэлин салайар кадрдары бэлэмниир политпросвет оскуола
буолбута, 50-с - 60-с сылларга бу оскуоланы бүтэрбиттэр холкуостар, сопхуос-
тар тутаах үлэһиттэрэ - управляющайдар, биригэдьиирдэр кинилэр этилэр.

      1932-34 сылларга Найахы нэһилиэгин сэбиэтин бэрэссэдээтэлинэн талыл-
лан үлэлээбит. Кини үлэлиир кэмигэр Өспөхтөн Покровскай таҥара дьиэтин
көһөрөн аҕалан оскуола дьиэтэ туттарбыттар. И.И.Гоголев-Дыргыабай аатын
сүгэр Найахы орто оскуолата 2021 сылга үбүлүөйдээх 90 сылын туолар. Оскуо-
ла тутуугар Иван Иванович Гоголев-Дыргыабай, учуутал Семен Данилович Уш-
ницкай оройуон Ситэриилээх кэмитиэтигэр туруорсан таҥара дьиэтин көһөрөн,

                                                                                                                                     5
   1   2   3   4   5   6   7   8   9   10   11