Бу кинигэ биллэр кыраайы чинчийээччи Н.С. Пестряков Майаҕатта Бэрт Хара кинигэтин иккистээн тыыннаан, тилиннэрэн, Майаҕатта аатыгар сыһыаннаах саҥа көстүбүт суруйууларынан, айымньыларынан саҥардан таһаарыы буолар.

Саха дьоно күөн туттар добун боотурбут - Майаҕатта Бэрт Хара туһунан киэҥник кэпсиир бу кинигэ, эдэр дьон төрөөбүт дойдуларын историятыгар интэриэстэрин күүһүрдэн, өйдөрүн-санааларын, салгын куттарын уһугуннарыа. Ол барыта төрдүбүтүн-ууспутун, тапталлаах Сахабыт сирин үйэлэр түгэхтэригэр түһэн түҥ былыргы историятын далааһыннаахтык, дириҥник чинчийэн саҥа кэмҥэ үөрэтэргэ мэктиэ буолуо.

Саха төрүт олоҕун сэҥээрээччилэр, үөрэх, культура эйгэтин үлэһиттэригэр, кыраайы үөрэтээччилэргэ ананар. 

читать онлайн