Дойду үрдүнэн ыһыллыы-тоҕуллуу, тыа хаһаайыстыбатын производствотыгар ырыынак сыһыаннаһыылара киирбит уустук бириэмэтигэр, аатырбыт Герой Егоров аатынан совхоз базатыгар икки тыа хаһаайыстыбатын кооперативтара тэриллибиттэрэ. Олортон биирдэстэрэ урукку "Кыһыл Танда" колхоз аатын ылынан Танда тыа хаһаайыстыбатын производственнай кооператива баар буолбута. Бу кинигэҕэ кооперативы тэрийбит, салайбыт Николай Саввич Хомподоев кыһыл тандалар ааттарын-суолларын түһэн биэрбэт курдук дьаһанан кэлбитин туһунан суруллар. Билигин үп-харчы татым бириэмэтигэр тыа хаһаайыстыбатыгар үлэлиир ыарахан, оттон дьону түмэ тардан үлэлэтэр, салайар өссө уустук. Ити эрээри салайар, дьону түмэ тардар дьоҕурдаах салайааччы ыарахаттартан толлубакка, кыһыл тандалар сыдьаннарын биир сыалга түмэ тардан күүһү-уоҕу, өйү-санааны сөптөөхтүк аттаран, ыһыллыбакка төрүттэрин төрүт дьарыгын эспэккэ үрдүктүк тутан кэллилэр.

читать онлайн