Алексеев Роман Петрович — Бөҕө Арамаана (1900—1977) — олоҥхоһут, ырыаһыт. Дүпсүн улууһун Тэбик нэһилиэгэр төрөөбүтэ. Ийэтэ көскө олорбут каракозовец Странден Н.П. кыыһа. Учуутала Назар Петухов аатырбыт Дүпсүн олоҥхоһута этэ.
Сэбиэскэй былаас кэмигэр колхуостаах, рабочай, промкомбинат плотнига.
Ырыалара хаһыаттарга, сурунаалларга, хомуурунньуктарга бэчээттэммиттэр. Кырдьар сааһыгар «Алаатыыр Алаа Туйгун» олоҥхону суруттарбыт. Текста ЯНЦ архивыгар сытар.
