Биһиги, Өнөр нэһилиэгин дьоно, бэйэбит албан ааттаах дьоннорбутунан киэн туттабыт. Кинилэр сэриигэ оҥорбут хорсун быһыыларынан ыччаттарбытын иитиигэ кинигэлэри таһааран туһанабыт. Бу "Биһиги албан ааттаахтарбыт" диэн кинигэҕэ сэриигэ хорсун сырыыларын көрдөрөн дойду уордьаннарынан наҕараадаламмыт дьоннору киллэрдибит. Кинилэр сэрии да кэнниттэн хорсун үлэлэринэн нэһилиэккэ биллэллэр. Дойду олоҕо тупсарын туһугар күүстэрин харыстаабат этилэр. Кинилэр сырдык мөссүөннэрэ кэнэҕэски ыччакка кэпсэлгэ сырыттын диэн оҥордубут.

читать онлайн