Реас Алексеевич Кулаковский
Реас Алексеевич Кулаковскай (08.04.1914-31.05.1993)
Бүлүү куоратыгар төрөөбүтэ. Ол кэмнэргэ аҕата А.Е. Кулаковскай-Өксөкүлээх Өлөксөй Бүлүүгэ олорбута, үс кылаастаах училищеҕа учууталлаабыта. Реас Алексеевич Чөркөөх сэттэ кылаастаах оскуолатыгар үөрэммитэ. Дьокуускайдааҕы педтехникуму 1936 с. бүтэрбитэ. Баайаҕа, Дьүлэй, Тыараһа оскуолаларыгар учууталлаабыта. 194-1948 сс. пединститукка үөрэммитэ. Сангаарга, Кириэс Халдьаайыга, кэлин Чычымахха учууталынан үлэлээбитэ.
ССРС Суруйааччыларын сойууһун чилиэнэ (1978).
Кэпсээннэрэ 1962 сылтан бэчээттэнэр. Отут сааһыттан айылҕа араас дьиктилэрин, таайылла илик таабырыннарын, былыргы олох туһунан суруйан барбыта. Биир бөдөҥ, бастыҥ үлэтинэн "Аҕам олоҕо" диэн саха литературатын төрүттээбит, айар тыл аҕата Өксөкүлээх Өлөксөй туһунан ахтыы сэһэнэ буолар.
