"Сөҕө. Сүгүрүйэ. Умсугуйа... Кыттыһыым - сахалыы саҥарда" кинигэҕэ аан дойду араас үйэлэргэ айан олорон ааспыт уус-уран тыл умсугутар талааннаахтара, Былыргы Илин (Древний Восток), Арҕаа Европа "Туругуруу кэмин" (Эпоха Возрождения), нуучча поэзиятын XVIII-XX үйэлэрдээҕи поэттара сүрэҕи сүүдүтэр лирикалара сонеттан сонет дьөрбөтүгэр, рубаилартан газелларга кытаҕа тиийэ сахалыы тылбаастанан, поэзия сүгүрүйээччилэрэ 15 бэччэтинэй лиис кээмэйинэн бэчээккэ таҕыста.

Поэт, тылбаасчыт биир дьоһун ситиһиитинэн саха национальнай геройа Василий Федоров-Манчаары бэйэтэ тыыннааҕар Сибиир биллэр поэта, суут үлэһитэ Матвей Алексеевич Александров (1798-1850 сс.) "Якут Манчара" уонна кэлин айымньы сюжетын уларыппатах поэт, демократ Николай Фомич Борисовскай (1873-1918 сс.) эмиэ "Якут Манчара" романтическай поэмаларын тэҥҥэ тутан, саха уус-уран литературатын историятыгар аан бастаан уу сахалыы тылбаастаабыта сонун эрэ буолбакка, ааҕааччыларга, литература историятын үөрэтээччилэргэ, чинчийээччилэргэ кытта болҕомтону ыларыгар эрэнэбит.

читать онлайн